***

Босымі нагамі іду да неба,

У далонях трымаю цябе,

Усім сэрцам  любоў ахінаю,

Але пакуль ты не верыш у мяне.

Босымі нагамі іду да неба

Гэта доўгі і няпросты шлях,

Я яшчэ на лузе, паміж кветак

А наперадзі ўсе сцежкі ў камянях.

Босымі нагамі іду да неба

Ты не чуеш маіх крокаў у цішы

Ты мяне такой яшчэ не ведаў

Ты адчуеш гэта ў душы.

Босымі нагамі іду да неба

Іншых не існуе дарог

Босымі нагамі… бо так трэба

І жадаю, каб і ты таксама змог.